ایمرٹس ٹی 20، پانچ سو کرکٹرز نے سائن اپ کرلیا

دبئی(اے ٹی ایم نیوز آن لائن) ایمرٹس ٹی ٹوئنٹی کیلئے پانچ سو کر کٹرز نےسائن اپ کرلیا، انگلینڈ کے 113 پلیئرز نے ایونٹ میں دلچسپی ظاہر کردی ہے۔
انگلش کرکٹرز میں جونی بیرسٹو، معین علی، لیوک رائٹ، اسٹوین فن، کرس جارڈن اوراین مورگن شامل ہیں۔

پاکستان کےشاہد آفریدی اور مصباح الحق بھی سائن اپ کرنے والوں میں شامل ہیں جبکہ بنگلا دیش سےشکیب الحسن نے سائن اپ کرلیا ہے۔

سری لنکا سے لستھ ملنگا، اینجیلو میتھیوز، اجنتامینڈس، رنگانا ہیرات اور کمارسنگارا، آسٹریلیاسے اسٹیون اسمتھ، کیویز کی طرف سے لیوک رانچی، گرانٹ ایلیٹ بھی سائن اپ کرچکے۔

ایمرٹس ٹی ٹوئنٹی 19 دسمبر سے11 جنوری تک شارجہ اور دبئی میں کھیلی جائے گی، جس میں 5 فرنچائز شرکت کررہی ہیں۔